यंदाच्या एसएसएलसी अर्थात दहावीच्या परीक्षेत केएलएस इंग्लिश मीडियम हायस्कूलची विद्यार्थिनी गौरवी नायक हिने घवघवीत यश संपादन करताना शहरात टॉपर होण्याबरोबरच राज्यात तिसरा क्रमांक पटकावला आहे.
राज्यातील यंदाच्या दहावीच्या परीक्षेचा निकाल आज सोमवारी जाहीर झाला आहे. सदर परीक्षेत केएलएस इंग्लिश मीडियम हायस्कूलची विद्यार्थिनी गौरवी नायक हिने शाळेत सर्वाधिक 99.68 टक्के गुण संपादन करताना राज्यात तिसरा क्रमांक पटकावला आहे.
सर्व विषयांमध्ये पैकीच्या पैकी गुण मिळवणारी गौरवी राज्यात तृतीय येण्याबरोबर शहरात टॉपर ठरली आहे. गौरवी ही पी डी ओ अरुण नायक यांची कन्या आहे.
केएलएस इंग्लिश मीडियम हायस्कूलमध्ये गौरवी नायक मागोमाग सिरी सेठ (99.04 टक्के) हिने शाळेत दुसरा, सिरी सदरजोशी (98.08 टक्के) व सृष्टी पर्वतगौडर (98.08 टक्के) यांनी तिसरा क्रमांक पटकावला आहे. परीक्षेतील यशाबद्दल सदर विद्यार्थिनींचे सर्वत्र अभिनंदन होत आहे.
