मजगाव येथील तरुणाचा चाकू जांबियाने भोसकून खून केल्याची घटना मच्छे येथे शेतवाडीत घडली. प्रतीक एकनाथ लोहार (वय 23 ) लक्ष्मी गल्ली माजगाव असे या युवकाचे नाव आहे.
पोलिसांनी दिलेल्या माहितीनुसार सदर युवकाला गावातील एका तरुणाने आपल्या दुचाकीवरून मच्छे ब्रह्मलींग मंदिर शेजारी शेतवाडीमध्ये बोलावून घेतले होते. त्यानंतर त्याचा चाकू व जांबीयाने भोसकून खून केला.
प्रतीक लोहार याचा खून करून आरोपी पुन्हा मजगाव गावामध्ये फिरत असताना गावातील इतर तरुणांनी त्याला पकडून त्याच्या गाडीची मोडतोड केली. यावेळी संबंधित आरोपी तरुणांच्या हातातून निसटून फरारी झाला.
संबंधित आरोपीवर उद्यमबाग पोलीस ठाण्यामध्ये खून करण्याचा प्रयत्न करणे ,गांजा विक्री करणे असे अनेक गुन्हे आहेत. संबंधित आरोपीला त्वरित पकडून अटक करावे व त्याचा कायमचा बंदोबस्त करावा अशी तरुण युवकातून मागणी होत आहे वडगाव ग्रामीण पोलीस पुढील तपास करीत आहेत.
