बेळगाव उत्तरचे आमदार ॲड. अनिल बेनके हे आपण आयोजित केलेल्या भव्य बक्षीस रकमेच्या अनिल बेनके करंडक -2023 अ. भा. खुल्या टेनिस बॉल क्रिकेट स्पर्धेबरोबरच लोकप्रतिनिधी या नात्याने शहरातील विकास कामे व जनतेच्या समस्यांवर लक्ष ठेऊन असल्यामुळे नागरिकांमध्ये समाधान व्यक्त होत आहे.
क्रिकेटप्रेमी आमदार ॲड. अनिल बेनके यांच्या पुढाकाराने शहरातील सरदार्स मैदानावर अनिल बेनके करंडक -2023 अ. भा. खुल्या टेनिस बॉल क्रिकेट स्पर्धा खेळविली जात आहे. स्वतः आयोजित केलेल्या या स्पर्धेचे स्वरूप भव्य असल्यामुळे आमदार बेनके दररोज मैदानावर हजेरी लावत आहेत.
व्यासपीठावरून उपस्थित मान्यवरांसमवेत आमदार साहेब स्पर्धेतील सामन्यांचा आनंद लुटत असल्याचे पाहून शहरातील अनेकांच्या भुवया उंचावत आहेत. मात्र क्रिकेट स्पर्धेबरोबरच लोकप्रतिनिधी या नात्याने आमदार ॲड. अनिल बेनके आपले जनसेवेचे कर्तव्य पार पाडत असल्याची प्रचिती व्यासपीठाच्या ठिकाणी हजेरी लावणाऱ्या प्रत्येकाला येत आहे. सध्या मैदानावर क्रिकेट सामन्यांचा आनंद लुटण्याबरोबरच आमदार बेनके आपल्या फोनवर व्यस्त असल्याचे पहावयास मिळते.
बेळगाव उत्तर मतदारसंघात विविध विकास कामे सुरू आहेत तर काही कामे प्रलंबित आहेत. फोनवरून या सर्व विकास कामांचा आढावा घेण्याबरोबरच कंत्राटदार व अभियंत्यांना आवश्यक सूचना देणाऱ्या, प्रलंबित विकास कामे मार्गी लावण्यास प्रयत्नशील असलेल्या आणि नागरिकांच्या समस्या निवारणाऱ्या आमदार बेनके यांना पाहून क्रिकेट प्रेमाबरोबरच जनसेवेच्या बाबतीतील त्यांच्या कर्तव्यदक्षतेची प्रचिती येत आहे.
स्पर्धा आपण आयोजित केले म्हणून त्यावरच संपूर्ण लक्ष केंद्रित करून न राहता स्पर्धेबरोबरच आमदार ॲड. अनिल बेनके शहर विकास व जनतेच्या समस्यांकडेही लक्ष देत असल्यामुळे नागरिकात समाधान व्यक्त होत आहे
