बेळगाव लाईव्ह : ‘वेदा’ या कन्नड चित्रपटाच्या प्रचारासाठी बेळगावमध्ये आलेले कन्नड चित्रपट अभिनेते शिवराज कुमार यांना पाहण्यासाठी चाहत्यांनी मोठी गर्दी केली होती.
कन्नड चित्रपटसृष्टीत ‘हॅट्रिक स्टार’ म्हणून प्रसिद्ध असलेल्या शिवराज कुमार यांचे चाहत्यांनी आज भव्य आणि जल्लोषात स्वागत केले. आज बेळगावमध्ये निघालेल्या रॅलीत चाहत्यांनी मोठ्या प्रमाणात सहभाग घेतला.
चन्नम्मा सर्कल येथून राणी कित्तूर चन्नम्मा यांच्या पुतळ्याला पुष्पहार अर्पण करुन शिवराज कुमार यांनी अभिवादन केले. त्यानंतर शेकडोंच्या संख्येने उपस्थित असलेल्या चाहत्यांसमवेत वाद्यवृंदाच्या गजरात, फटाक्यांची आतिषबाजी करत भव्य रॅली काढण्यात आली.
चित्रा या सिनेमागृहात चित्रपट प्रचारासाठी शिवराज कुमार यांनी आज बेळगावला भेट दिली. यावेळी त्यांनी बेळगावकरांचे तोंड भरून कौतुक केले. बेळगावचे लोक हे बेळगावच्या कुंदया प्रमाणेच गोड़ असल्याचे ते म्हणाले.
