सीमाप्रश्नी केंद्र सरकारचे लक्ष वेधण्यासाठी मध्यवर्ती महाराष्ट्र एकीकरण समितीच्यावतीने सोमवार दि. 19 डिसेंबर 2022 रोजी आयोजित महामेळाव्याला म्हणत सर्वांनी हजारोंच्या संख्येने उपस्थित राहून तो यशस्वी करावा, असे आवाहन करण्यात आले आहे. त्यासाठी ‘चलो बेळगाव’ची हाक देण्यात आली आहे.
टिळकवाडी येथील व्हॅक्सिन डेपो मैदानावर येत्या 19 डिसेंबर रोजी सकाळी 11 वाजता महामेळाव्याचे आयोजन करण्यात आले आहे.
या मेळाव्याला आपला पाठिंबा देण्यासाठी महाराष्ट्रातील सर्व पक्षांचे प्रतिनिधी म्हणून नेते मंडळी उपस्थित राहणार आहेत .
या निर्वाणीच्या क्षणी आपले सर्व कामे बाजूला ठेवून या महामेळाव्याला हजारोंच्या संख्येने उपस्थित राहून महामेळावा यशस्वी करावा, असे आवाहन करत महाराष्ट्र एकीकरण समिती खानापूर तालुका, सर्व सीमा सत्याग्रही, आजी-माजी लोकप्रतिनिधी पदाधिकारी व समितीच्या निष्ठावंत कार्यकर्त्यांनी एका प्रसिद्धी पत्रकाद्वारे चलो बेळगावची हाक दिली आहे.
