बेळगावातील मराठा बँकेने समाजाच्या तळागाळातील माणसांना सक्षम करण्याच्या उद्देशाने सातत्याने काम करून लौकिक मिळवला आहे.असे गौरवोद्गार बंगळुरू रिझर्व्ह बँकेच्या जनरल मॅनेजर मीनाक्षी गड यांनी व्यक्त केले.
शुक्रवारी त्यांनी मराठा बँकेला सदिच्छा भेट दिली त्यावेळी त्या बोलत होत्या कार्यक्रमाच्या अध्यक्षस्थानी बँकेचे अध्यक्ष दिगंबर पवार होते.त्या पुढे म्हणाल्या बँकेचे ग्राहक हेच खरे आधारस्तंभ आहेत बँक त्यांना अधिकाधिक सोयी देत आहे.रिझर्व्ह बँकेच्या धोरणात दररोज वेगवेगळे बदल होत आहेत.सदर बदलांचा अंगिकार करून बँकेने चालवलेली वाटचाल स्तुत्य आहे.
शुक्रवारी त्यांनी मराठा बँकेला सदिच्छा भेट दिली त्यावेळी त्या बोलत होत्या कार्यक्रमाच्या अध्यक्षस्थानी बँकेचे अध्यक्ष दिगंबर पवार होते.
समाजाच्या जेष्ठांच्या प्रेरणेतून मराठा बँकेची उभारणी झाली आहे समाज हित लक्षात घेऊनच बँक वाटचाल करत आहे त्यामुळेच बेळगाव जिल्ह्यात मराठा बँक नंबर वन आहे अशी माहिती जेष्ठ संचालक बाळासाहेब काकतकर यांनी प्रास्तविक करताना दिली.
अध्यक्ष दिगंबर पवार उपाध्यक्ष निना काकतकर आणि संचालिका रेणू किल्लेकर यांनी मीनाक्षी गड यांचा शाल बुके श्रीफळ आणि मानचिन्ह देऊन सत्कार केला.यावेळी संचालक बाळाराम पाटील,एल एस होनगेकर,बँकेचे कर्मचारी उपस्थित होते.जनरल मॅनेजर संतोष धामणेकर यांनी आभार मानले.
