बेळगावच्या डीवायईएस ज्युडो सेंटरच्या ज्युडो खेळाडूंनी म्हैसूर येथे नुकत्याच पार पडलेल्या सीएम चषक राज्यस्तरीय दसरा क्रीडा महोत्सवामध्ये 5 सुवर्ण, 4 रौप्य आणि 2 कांस्यपदकं पटकावून घवघवीत यश संपादन केले. त्याचप्रमाणे ज्युडो मधील मुलींच्या विभागाचे सर्वसाधारण अजिंक्यपद देखील हस्तगत केले आहे.
म्हैसूर येथे गेल्या 29 सप्टेंबर ते 2 ऑक्टोबर 2022 या कालावधीमध्ये सीएम चषक दसरा क्रीडा महोत्सवाचे आयोजन करण्यात आले होते. या क्रीडा महोत्सवातील ज्युडो प्रकारात बेळगावच्या डीवायईएस ज्युडो सेंटरच्या ज्युडो खेळाडूंनी मिळविलेले यश पुढीलप्रमाणे आहे.
मुलींचा विभाग : 48 किलो गट -रम्या (सुवर्ण पदक), रक्षिता कोमारा (रौप्य पदक). 52 किलो -गीता के. डी. (सुवर्णपदक), रक्षिता कोमारा (रौप्य पदक). 57 किलो -अक्षता सुंकद (सुवर्ण पदक), 63 किलो -वसुंधरा एम. एन. (सुवर्ण पदक). 70 किलो -पार्वती ए. (सुवर्ण पदक).
78 किलो -साईश्वरी जी. के. (रौप्य पदक). 78 किलो वरील गट -भूमिका व्ही. एन. (कांस्य पदक). मुलांचा विभाग : 160 किलो गट -प्रकाश वाय. (रौप्यपदक), अरुण माळी (कांस्यपदक). या सर्व ज्युडो खेळाडूंना माजी राष्ट्रीय ज्युडोपटू व ज्युडो प्रशिक्षक रोहिणी पाटील आणि कुतुला मुलतानी यांचे मार्गदर्शन लाभत आहे.
