बेंगलोर येथे स्वकुळ साळी समाजातर्फे आयोजित कर्नाटक राज्य पातळीय स्वकूळ साळी (विणकर) सांस्कृतिक महोत्सवात नृत्य ,अभिनय, गायन ,पोवाडा गायन, कीर्तनाच्या माध्यमातून जनजागृती स्वरूपात समाजसेवा करत असल्याबद्दल बेळगावची सुकन्या कु. श्रेया विश्वनाथ सव्वाशेरी हिचा सत्कार करण्यात आला.
बेंगलोर येथे काल शुक्रवारी रवींद्र कलाक्षेत्र येथे कर्नाटक राज्य पातळीय स्वकूळ साळी (विणकर) सांस्कृतिक महोत्सव मोठ्या उत्साहात संपन्न झाला.
सदर महोत्सवात स्वकुळ साळी समाजातील विविध क्षेत्रात उल्लेखनीय कार्य करणाऱ्या राज्यभरातील 25 साधकांचा यथोचित गौरव करण्यात आला.
यावेळी नृत्य ,अभिनय, गायन ,पोवाडा गायन, कीर्तनाच्या माध्यमातून जनजागृती स्वरूपात समाजसेवा करत असल्याबद्दल बेळगावच्या एकमेव कु. श्रेया विश्वनाथ सव्वाशेरी हीचा सत्कार करण्यात आला. तिला शाल, मानचिन्ह, प्रशस्तीपत्र देऊन गौरविण्यात आले.
याप्रसंगी आयोजक चंद्रबानु शिंदे, कार्यक्रमाध्यक्ष राज प्रभू धोत्रे, माजी आमदार लक्ष्मीनारायण, महाराष्ट्र मंत्रालयातील सेक्शन ऑफिसर विजय वक्ते यांच्यासह अनेक मान्यवर उपस्थित होते.
श्रेयाने यापूर्वी विविध स्पर्धेमध्ये 150 हून अधिक बक्षिसे मिळविले आहेत. उपरोक्त राज्यस्तरीय सत्काराबद्दल तिचे सर्वत्र कौतुक होत आहे.
