बेळगाव शहराच्या भुईकोट किल्ल्याच्या मागच्या बाजूला असलेल्या समर्थ नगर येथील रेल्वे ट्रॅक वर जुन्या गांधीनगरच्या युवकाचा मृतदेह सापडला आहे.
जुन्या गांधीनगर येथील हुसेन शेख अशी त्याची ओळख पटवण्यात आली असून रविवारी सकाळी हा मृतदेह सापडला आहे.मेहबूब शेख याचा समर्थ नगर जवळील रेल्वे ट्रॅक जवळ मृतदेह सापडल्याने द एकच खळबळ माजली आहे मात्र याचं नेमकं प्रकरण काय ही आत्महत्या आहे की आणखी काय याचा अद्याप उलगडा झालेला नाही.
घटनास्थळी रेल्वे पोलिसांनी पाहणी केली असून तपास सुरू केला आहे. हुसेन शेख यांचा मृतदेह सापडल्यानंतर ओल्ड गांधीनगर येथील त्याच्या नातेवाईकांनी घटनास्थळी आक्रोश करत हंबरडा फोडला होता यावेळी अनेकांची गर्दी देखील केली होती.
पोलीस सूत्रांनी दिलेल्या माहितीनुसार हुसेन याचा विवाह झाला असून त्याच्या पश्चात पत्नी आणि दोन लहान मुले आहेत तो रोजंदारी मजुरीचे काम करत होता रविवारी सकाळी तो कामाला जातो म्हणून घरातून बाहेर पडलेला होता अखेर त्याच्या कुटुंबीयांना त्याचा मृतदेहच मिळाल्याने त्यांच्यावर दुःखाचा डोंगर कोसळलेला आहे.
याप्रकरणी रेल्वे पोलिसात गुन्हा नोंद झाला असून हुसेन शेख याने आत्महत्या केली आहे का? किंवा आणखी काय याचा पोलीस तपासनंतर उलगडा होणार आहे.
