येळ्ळूर (ता. जि. बेळगाव) येथील विराट गल्लीतील क्रीडाप्रेमी युवकांच्या विराट स्पोर्ट्स क्लबतर्फे आयोजित ‘श्री विराट चषक -2022’ (पर्व पहिले) या क्रिकेट स्पर्धेचे अजिंक्यपद आरके स्पोर्ट्स अनगोळ संघाने हस्तगत केले.
विराट गल्ली, येळ्ळूर येथील क्रीडाप्रेमी युवकांतर्फे आयोजित श्री विराट चषक -2022 क्रिकेट स्पर्धेच्या यंदाच्या पहिल्या प्रभात बेळगाव बेळगाव तालुक्यासह जिल्ह्यातील नामवंत संघांनी भाग घेतला होता.
पावसाच्या व्यत्ययामुळे मध्यंतरी अर्ध्यावर थांबविण्यात आलेली ही स्पर्धा अडीच महिन्यानंतर नुकतीच यशस्वीरित्या पार पडली. गावच्या विराट मैदानावर गेल्या रविवारी खेळविण्यात आलेल्या स्पर्धेच्या अंतिम सामन्यात आरके स्पोर्ट्स अनगोळ संघाने प्रतिस्पर्धी एसआरएस पॅंथर्स अनगोळ संघाला पराभूत करून श्री विराट चषक पटकाविला.
सदर स्पर्धा यशस्वीरित्या पार पाडण्यासाठी श्रीराम सेना हिंदुस्तानचे प्रमुख रमाकांतदादा कोंडुसकर, पप्पू कुऱ्याळकर, विमल फाउंडेशनचे अध्यक्ष किरण जाधव, येळ्ळूर ग्रा. पं. पीडीओ दुर्गप्पा ताशिल, फ्रेंड्स फाउंडेशनचे निलेश काकतकर, राजू किचनचे मालक राजू पवार, समाज सेवक यल्लाप्पा पाटील, युवा नेते सुरज गोरल,
उषानारायण फाऊंडेशनचे गणेश अष्टेकर, समाजसेवक किट्टू रजपूत, दुधाप्पा बागेवाडी, रमेश मणसे, पिंटू चौगुले, रमेश जाधव आदींसह ग्रा. पं. सदस्य, विराट स्पोर्ट्स क्लबचे सर्व पदाधिकारी -सदस्य, गावातील क्रिकेटप्रेमी आणि गावकऱ्यांचे सहकार्य लाभले.
