मान्सूनने रविवारी केरळमध्ये धडक दिल्यानंतर त्याच्या पुढील प्रवासास अनुकूल वातावरण निर्माण होत असून महाराष्ट्रात 6 ते 10 जून यादरम्यान मान्सून दाखल होईल असा भारतीय हवामान खात्याचा अंदाज असून सध्या मान्सून अरबी समुद्राचा मध्यभाग, केरळ, तामिळनाडू आणि कर्नाटकाच्या कांही भागात दाखल झाला आहे.
दक्षिणेकडून बंगालच्या उपसागरातून मान्सून वेगाने प्रवास करीत आहे येत्या तीन-चार दिवसात. केरळमधील उर्वरित भाग, दक्षिण अरबी समुद्र, तामिळनाडू आणि कर्नाटकाचा आणखी कांही भाग तसेच ईशान्येकडील राज्यात तो वेगाने वाटचाल करेल असा अंदाज आहे.
यामध्ये अडथळा न येता पुढे सरकण्याचा वेग कायम राहिल्यास महाराष्ट्रात 6 जून रोजी मान्सून दाखल होऊ शकतो गेल्या चोवीस तासांत कोकण व गोव्यात तुरळक ठिकाणी पूर्व मोसमी पाऊस पडला तर मध्य महाराष्ट्र, विदर्भ व मराठा वाड्यात हवामान कोरडे हवामान होते.
हवामान खात्याने दिलेल्या अंदाजानुसार पुढील दोन दिवसात कोकण, गोवा व मध्य महाराष्ट्रात तुरळक ठिकाणी पाऊस पडण्याची शक्यता आहे.
