सुरुवातीला सक्रिय कन्नड संघटनेचे नेते त्यानंतर माजी मुख्यमंत्री बी एस येडीयुराप्पा यांचे पुत्र विजयेंद्र यांच्या सोबत के जी पी आणि त्यानंतर भाजप मध्ये काम करणारे कन्नडम्मा या बेळगावातील कानडी दैनिकाचे संपादक राजीव टोपाण्णावर यांनी आम आदमी पक्षाची टोपी परिधान केली आहे. भाजपात घुसमट होत असल्याने त्यांनी आता आपचा हात पकडला आहे.
बंगळुरू मध्ये राजीव यांनी भाजपाला रामराम करत शुक्रवारी आम आदमीपक्षात प्रवेश केला आहे राज्य आपच्या नेत्यांसह त्यांनी हा प्रवेश केला आहे. विधान सभा निवडणुकीला एका वर्ष बाकी असताना टोपाण्णावर यांनी केलेला आप प्रवेश नक्कीच या नवीन पक्षाला बेळगावात भरारी देणारा ठरणार असून भविष्यात मोठ्या बदलाचे संकेत प्राप्त झाले आहेत.
मी पंत प्रधान नरेंद्र मोदी यांचा मोट चाहता होतो त्यांनी अनेक जण कल्याणकारी योजनां अमलात आणल्या आहेत मात्र स्थानिक भाजप नेत्याना आत्या अमलात आणता आल्या नाहीत. शिक्षण आणि आरोग्य क्षेत्रात आपचे अरविंद केजरीवाल यांनी क्रांती आणली आहे अनेक जण कल्याणकारी योजना अमलात आणल्या आहेत जनतेची काळजी असणारा हा अनंत आहे त्यासाठी मी आप मध्ये प्रवेश केला असल्याचे टोपण्णावर यांनी म्हटलं आहे.
आप मध्ये राजीव टोपण्णावर यांना उत्तर कर्नाटकात संघटनात्मक मोठी जबाबदारी मिळण्याची शकयता आहे.बेळगावात स्मार्ट सिटी सह अनेक शासकीय योजनात झालेला भ्रष्टाचार त्यांनी उघडकीस आणला होता अनेकदा त्यांनी या विरुद्ध आवाज उठवला होता त्यामुळे स्थानिक नेत्यांशी त्यांची तू तू मैं मैं झाली होती याकडे भाजप हाय कमांडने कानाडोळा होता यासाठी त्यांनी आप ची वाट पकडली असल्याचे बोलले जात आहे.
बेळगावातील भ्रष्टाचार विरुद्ध आपच्या माध्यमातून टोपाण्णावर आवाज उठवतील अशी शक्यता आहे.
