बेळगाव जिल्ह्यात नव्याने 316 कोरोना बाधीत रुग्ण आढळून आले असून आज शुक्रवारी आणखी एकाचा कोरोनामुळे मृत्यू झाल्याने कोरोना मृतांची एकूण संख्या 991 झाली आहे. सध्या जिल्ह्यातील सक्रीय रुग्णांची संख्या 4727 इतकी झाली आहे.
बेळगाव जिल्ह्यात गेल्या 24 तासात नव्याने 316 कोरोनाग्रस्त रुग्ण आढळून आल्यामुळे आज शुक्रवारी जिल्ह्यातील कोरोनाबाधीत रुग्णांची एकूण संख्या 99,145 इतकी झाली आहे. बेळगांव जिल्हा आरोग्य आणि कुटुंब कल्याण खात्याच्या सर्व्हिलन्स युनिटने प्रसिद्धीस दिलेल्या कोरोना वैद्यकीय पत्रकानुसार आज शुक्रवार दि. 11 फेब्रुवारी 2022 रोजी सायंकाळी 7 वाजेपर्यंत कोरोनासंदर्भात बेळगांव जिल्ह्यात एकूण 18,69,503 व्यक्तींच्या स्वॅबच्या नमुन्यांची तपासणी करण्यात आली आहे.
आज शुक्रवारी नव्याने 316 कोरोना बाधित रुग्ण आढळून आले असून जिल्ह्यातील एकाचा कोरोनामुळे उपचाराचा फायदा न होता बीम्स हॉस्पिटलमध्ये मृत्यू झाला. मृत व्यक्ती चिक्कोडी येथील 77 वर्षीय पुरुष आहे. तपासणी करण्यात आलेल्या आत्तापर्यंतच्या स्वॅबच्या नमुन्यांपैकी यापैकी 17,62,304 नमुने कोरोना निगेटिव्ह असून 99,145 नमुने कोरोना पॉझिटिव्ह आढळून आले आहेत. जिल्ह्यात हॉस्पिटल आणि होम आयसोलेशनमध्ये असलेल्या रुग्णांची संख्या 4727 इतकी आहे.
जिल्ह्यातील सक्रिय रुग्णांची ॲक्टिव्ह रुग्ण संख्या 4727 इतकी असून आत्तापर्यंत कोरोना विषाणूच्या संसर्गापासून 93,427 रुग्ण मुक्त झाल्यामुळे त्यांना हॉस्पिटलमधून डिस्चार्ज देण्यात आला आहे. जिल्ह्यात आज शुक्रवारी आढळलेल्या कोरोनाग्रस्त रुग्णांमध्ये बेळगाव तालुक्यातील 44, चिक्कोडी 6, सौंदत्ती 22, खानापूर 10, अथणी 22, गोकाक 55, बैलहोंगल 26, हुक्केरी 10, रामदुर्ग 69, रायबाग 21 आणि इतर 18 अशा एकुण 316 रुग्णांचा समावेश आहे.
