बेळगाव उद्योग मेळ्यात 25,000 जणांना रोजगार उपलब्ध करून देण्यासाठी होणार सामंजस्य करार:मंत्री अश्वथ नारायण
केएलएस गोगटे इन्स्टिट्यूट ऑफ टेक्नॉलॉजी येथे शुक्रवार, २३ डिसेंबर रोजी होणाऱ्या ‘बेळगाव उद्योग मेळा’ हायब्रीड जॉब फेअर साठी विस्तृत व्यवस्था करण्यात आली आहे. या निमित्ताने “सर्वांसाठी नोकऱ्या” उपक्रमाचा शुभारंभ देखील झाला. आय टी बी टी विभाग, कर्नाटक डिजिटल इकॉनॉमी मिशन आणि कौशल्य विकास यांच्या सहकार्याने हा मेळा होत आहे.
आयटी/बीटी, कौशल्य विकास आणि उच्च शिक्षण मंत्री डॉ. सीएनएश्वथ नारायण यांनी सुवर्ण विधान सौध येथे पत्रकार परिषदेला संबोधित करताना सांगितले की, या मेळ्यात तब्बल 71 कंपन्या सहभागी होत आहेत, त्यापैकी 57 कंपन्या प्रत्यक्ष सहभागी होणार आहेत. बी ई/डिप्लोमा/ आय टी आय पूर्ण केलेल्या उमेदवारांसाठी 4500 हून अधिक ओपनिंगची संधी भरण्यासाठी व्हर्च्युअल मोडद्वारे उपस्थित होणार आहेत.
ते पुढे म्हणाले, “एकूण ३९५४ उमेदवारांनी ‘स्किल कनेक्ट’ पोर्टलवर नोंदणी केली आहे आणि ६०० हून अधिक उमेदवारांनी मेलद्वारे बायोडेटा पाठवला आहे. नोंदणी केलेल्या उमेदवारांना आज, गुरुवारी सकाळी ८ वाजता कार्यक्रमस्थळी येण्यासाठी व्हॉईस टेक्स्ट पाठवण्यात आले आहे.”
माहिती, शिक्षण, संप्रेषण,जाहिरात पोस्टर, बॅनर, पॅम्प्लेट, व्हॉईस संदेश, मजकूर संदेश, वृत्तपत्र जाहिराती, न्यूज चॅनेल स्क्रोलिंग यासह विविध चॅनेल वापरून ही सोय केली गेली आहे आणि प्रचार करण्यासाठी सर्व डिजिटल सामग्री स्थानिक आमदार आणि खासदारांना पाठविली गेली आहे.
प्रत्येक नोंदणीकृत उमेदवाराला तीन पर्यायी कंपन्यांची निवड करण्याची संधी देण्यात आली आहे, असे सांगून नारायण म्हणाले की, 100 प्रशिक्षित स्वयंसेवक मुलाखतीला उपस्थित राहण्यासाठी उमेदवारांना माहिती देण्यासाठी आणि मार्गदर्शन करण्यासाठी या ठिकाणी असतील.
ज्या उमेदवारांची निवड केली जाणार नाही त्यांच्या संदर्भात, कंपन्यांना नाकारण्याचे कारण नमूद करण्यास सांगितले आहे. या कारणांच्या विश्लेषणाच्या आधारे कौशल्यातील कमतरता ओळखली जाईल आणि संबंधित उमेदवारांना ती भरून काढण्यासाठी संबंधित प्रशिक्षण दिले जाईल आणि भविष्यातील प्रयत्नांमध्ये प्लेसमेंट मिळविण्यासाठी मदत केली जाईल. हा “सर्वांसाठी नोकरी” कार्यक्रमाचा मुख्य अजेंडा आहे.
क्वेस कॉर्पोरेशन, देशातील सर्वात मोठ्या कर्मचारी कंपन्यांपैकी एक असून कर्नाटक कौशल्य विकास महामंडळ सोबत उमेदवारांसाठी 25,000 प्लेसमेंट प्रदान करण्यासाठी बंधनकारक करारावर स्वाक्षरी करणार आहे.
महिंद्रा आणि महिंद्राचे नांदी फाउंडेशन या उपक्रमाचा एक भाग म्हणून 30,000 ग्रामीण विद्यार्थिनींना पायथोन आणि डिजिटल मार्केटिंग आणि सॉफ्ट स्किल्सचे प्रशिक्षण मोफत देण्यासाठी सामंजस्य करारावर स्वाक्षरी करणार आहे.
या प्रतिसादाच्या आधारे जानेवारीच्या तिसऱ्या आठवड्यात पुन्हा एकदा बेळगाव येथे रोजगार मेळावा आयोजित करण्याचे नियोजन करण्यात आले आहे, अशी माहिती मंत्र्यांनी दिली.
