कॅम्प येथील खादीमीन एज्युकेशन अँड सोशल वेल्फेअर सोसायटीतर्फे येत्या रविवार दि. 2 जानेवारी 2022 रोजी सकाळी 9 ते दुपारी 2 वाजेपर्यंत रक्तदान शिबिराचे आयोजन करण्यात आले आहे.
कॅम्प फिश मार्केट नजीकच्या सेंट अँथनी चर्च येथे सदर शिबिर भरविले जाणार आहे. खादीमीन एज्युकेशन अँड सोशल वेल्फेअर सोसायटीतर्फे गेल्या 6 वर्षापासून बेळगाव शहरात विविध ठिकाणी रक्तदान शिबिराचे आयोजन केले जात आहे.
या पद्धतीने आत्तापर्यंत गेल्या सहा वर्षात 1200 हून अधिक युनिट रक्त संकलित करून रक्तपेढ्या यांना देण्यात आले आहे. खादीमीन सोसायटीच्या या स्तुत्य उपक्रमामुळे बेळगाव शहर परिसरासह ग्रामीण भागातील रक्ताची गरज असलेल्या रुग्णांना मोठा लाभ झाला आहे.
आता येत्या रविवारी वरीलप्रमाणे रक्तदान शिबिराचे आयोजन करण्यात आले असून रक्तदात्यांनी याचा लाभ घ्यावा, असे आवाहन करण्यात आले आहे.
