ओमिक्रॉनच्या चिंतेमध्ये वाढ, कर्नाटकाने कर्मचार्‍यांसाठी दोन कोविड लसी केल्या बंधनकारक- कर्नाटक सरकारने सर्व सरकारी कार्यालये, मॉल्स, सिनेमागृहे, ग्रंथालये आणि इतर ठिकाणांसह सार्वजनिक ठिकाणी काम करणाऱ्यांना कोविड लसीचे दोन डोस घेणे बंधनकारक केले आहे. ज्या कामगारांचे पूर्ण लसीकरण झालेले नाही त्यांना त्यांचे दोन डोस पूर्ण होईपर्यंत परत पाठवण्यात यावे,कामावर घेऊ नये असे सरकारने सांगितले आहे.
विमानतळांवर विशेषत: परदेशातून आणि केरळ आणि महाराष्ट्राच्या सीमा असलेल्या जिल्ह्यांमधून येणाऱ्यांची तपासणी करण्यासाठी दक्षता वाढवली जात आहे.
दोन शेजारील राज्यांमध्ये मोठ्या संख्येने कोविड प्रकरणे पहायला मिळत आहेत आणि तिथल्या प्रवाशांनी नकारात्मक आरटीपीसीआर प्रमाणपत्र देखील बाळगले पाहिजे.असे सरकारने जाहीर केले आहे.
आरोग्य अधिकार्‍यांना कर्नाटकात प्रवेश करणार्‍यांची तपासणी करण्यासाठी सीमावर्ती भागात 24×7 काम करण्यास सांगितले आहे. पोलीस, महसूल आणि आरोग्य विभागाच्या अधिकाऱ्यांनी तीन शिफ्टमध्ये काम करावे आणि वरिष्ठ अधिकाऱ्यांनी रात्रीही अचानक तपासणी केली पाहिजे, असे सरकारने नमूद केले आहे.गेल्या 16 दिवसांत राज्यात परतलेल्या केरळमधील विद्यार्थ्यांचे आधी निगेटिव्ह रिपोर्ट आले असले तरीही त्यांना पुन्हा आरटीपीसीआर चाचणी द्यावी लागेल.
शनिवारी, मुख्यमंत्री बसवराज बोम्मई यांनी आरोग्य अधिकारी, मंत्री, कोविड सल्लागार आणि इतर संबंधितांची तातडीची बैठक बोलावली. गेल्या काही दिवसांत राज्यात धारवाड, बेंगळुर आणि म्हैसूरमध्ये चार विषाणू क्लस्टर आढळले आहेत. बोम्मई यांनी इतर राज्यांसह, विशेषत: केरळशी सीमा बदल करणार्‍या जिल्ह्यांतील जिल्हाधिकाऱ्यांशी व्हिडिओ कॉन्फरन्स देखील आयोजित केली होती.
दक्षिण आफ्रिकेतील दोन्ही प्रवासी क्वारंटाईनमध्ये
राज्याच्या सल्ल्यानुसार जीनोम सिक्वेन्सिंगसाठी कोविड चाचणीचे नमुने नियुक्त केलेल्या जीनोम सिक्वेन्सिंग लॅबोरेटरीज कडे पाठवले जात आहेत. नॅशनल सेंटर फॉर बायोलॉजिकल सायन्सेस आणि इंडियन इन्स्टिट्यूट ऑफ सायन्स हे राज्यातील नियुक्त आयजीएसएल आहेत.
