बेळगाव मॉरल पोलिसिंग केस: आरोपी ऑटोड्रायव्हर, त्याच्या साथीदारांना ‘मारहाण, दरोडा’ प्रकरणी केली अटक

बेळगाव पोलिसांनी एका मुस्लीम महिलेसोबत प्रवास करणाऱ्या तरुणाला मारहाण आणि लुटल्याच्या आरोपावरून ऑटो चालक आणि त्याच्या साथीदारांना अटक केली आहे. ऑटो चालक दाऊद कतीब, अयुब आणि युसूफ पठाण अशी या तिन्ही आरोपींची ओळख आहे.

एका वेगळ्या समाजातील युवक दाऊदच्या ऑटोरिक्षामध्ये एका मुस्लिम महिलेसोबत प्रवास करत असताना आरोपीने नैतिक पोलिसिंग केले. दाऊद आणि इतर आरोपींनी त्या तरुणाला मारहाण करून लुटल्याचा आरोप आहे.
आरोपींनी पीडितेकडून एक मोबाईल फोन, 50 हजार रुपये रोख आणि एटीएम कार्ड लुटले. त्यानंतर या जोडप्याने बेळगावातील माळ मारुती पोलीस स्थानकात तक्रार दाखल केली.
17 ऑक्टोबर रोजी सकाळी आंतरजातीय जोडपे-चिंचली गावातील रहिवासी राहुल राजू गुरव आणि संकेश्वर येथील शकिरा बानो हे बेळगावला आले होते. बेळगाव बसस्थानकावर उतरून या जोडप्याने एक ऑटोरिक्षा घेतली आणि चालकाला एका पार्कमध्ये नेण्यास सांगितले. वाहनचालकाने पाहिले की त्या महिलेने हिजाब घातला होता आणि मुलाने कपाळावर टिळक घातला होता. त्यांना पार्कमध्ये नेण्याऐवजी आरोपी वाहनचालक जोडप्याला अमन नगरमधील एका मोकळ्या भूखंडावर घेऊन गेला. त्यानंतर त्याने आपल्या मित्रांना बोलावून मारहाण केली आणि त्या तरुणाला लुटले होते. आता या प्रकरणाची चर्चा जोरात सुरू असून नैतिक पोलिसिंग की अनैतिक गुंडागिरी याचा आता बिमोड करावा अशी मागणी होत आहे.