कामगारांच्या समस्या आणि भरपाई संदर्भातील प्रश्न सोडविण्यासाठी राज्यभरात घेतल्या जाणाऱ्या कामगार अदालतीला मिळणारा उत्तम प्रतिसाद लक्षात घेऊन आता दरमहा प्रत्येक तालुक्यामध्ये कामगार अदालतीचे आयोजन करण्यात येणार आहे.
गेल्या कांही महिन्यांपासून राज्यात कामगार अदालत आयोजित करण्याद्वारे प्रशासकीय व कामगार पातळीवर भेडसावणारे प्रश्न सोडविले जात आहेत. त्याला मिळणारा प्रसिद्ध प्रतिसाद लक्षात घेऊन आता प्रत्येक तालुक्यात कामगार अदालत होणार आहे.
कोरोना संदर्भात भरपाई जाहीर झाली आहे. त्याचा अनेकांनी लाभ घेतला. किरकोळ कारणांमुळे काहींना योजनेचा लाभ मिळाला नाही. त्याबाबत अदालत घेऊन कार्यवाही सुरू आहे. अर्जावर वेळेत व गतीने कामे करण्याबाबत निर्णय घेतला जात आहे. त्यामुळे दर महिन्याला तालुक्यात अदालत आयोजित करून कार्यवाही करण्याचे आदेश देण्यात आले आहेत.
सदर अदालतीमध्ये कोरोना भरपाई, किसान वेतन, पेन्शन, कामगारांमधील वाद व विविध योजनांची माहिती करून देऊन प्रकरणे निकालात काढली जात आहेत. कामगार खाते, कामगार कल्याण मंडळ, बांधकाम कामगार व इतर संघटनांतर्फे सामाजिक न्याय आणि सुरक्षाव्यवस्थेत संदर्भात चर्चा करून सोडून समस्या सोडविल्या जात आहेत. दर महिन्याला कामगार आदालत घेऊन समस्या निकालात काढाव्यात अशी सूचना करण्यात आली आहे. याबाबतचा आदेश नुकताच कामगार मंत्रालयाकडून जारी झाला आहे.
