बाळेकुंद्री खुर्द परिसरात चोऱ्या करणाऱ्या दोघा चोरट्यांना मारीहाळ पोलिसांनी गजाआड केले असून त्यांच्याकडील सुमारे 5 लाख 12 हजार रुपये किमतीचे सोन्याचे दागिने जप्त करण्यात केले आहेत.
पोलीस आयुक्तांसह वरिष्ठ पोलीस अधिकाऱ्यांच्या मार्गदर्शनाखाली मारीहाळ पोलीस स्थानकाचे पोलीस निरीक्षक बी.एस. मंटूर यांच्या नेतृत्वाखालील पथकाने दोघा संशयितांना ताब्यात घेऊन चौकशी केली असता चोरीच्या अनेक गुन्ह्यांवर प्रकाश पडला.
पोलीस चौकशीत उभय चोरट्यांनी बाळेकुंद्री खुर्द, पंतनगर, गोकुळनगर आणि हिरेबागेवाडी पोलीस स्थानक व्याप्तीतील घरांमध्ये चोऱ्या केल्याची कबुली दिली.
त्यानुसार पोलिसांनी त्यांच्याकडील सुमारे 5 लाख 12 हजार रुपये किमतीचे एकुण 114 ग्रॅम वजनाचे चोरलेले सोन्याचे दागिने जप्त केले.
सदर पोलीस कारवाईत पोलीस उपनिरीक्षक बी. एस. नावलगी, पोलीस कर्मचारी बी. एस. नाईक, बी. बी. कड्डी, ए. एम. जमखंडी व एम. आर. सुळदाळ यांचा सहभाग होता. मारीहाळ पोलिसांनी बजावलेल्या या कामगिरीबद्दल पोलीस आयुक्तांनी त्यांचे खास अभिनंदन केले आहे.