बेळगाव शहरवासीयांना गणेशोत्सवाचे वेध लागले असताना मूर्तिकाराकडून श्री मूर्ती तयार करण्याच्या कामाला ही वेग आला आहे.
येत्या गणेशोत्सवाच्या पार्श्वभूमीवर शहरातील मूर्तिकार श्री गणेश मूर्ती बनविण्यात व्यस्त झाले असून त्यांच्या कामाला वेग आला आहे. सध्या मूर्तींची रंगरंगोटी करण्याचे काम हाती घेण्यात आल्याचे चित्र पहावयास मिळत आहे.
साच्यातून काढलेल्या श्री मुर्ती विविध रंगांनी आकर्षक बनविल्या जात आहेत. नाथ पै सर्कल बाजार गल्ली खासबाग येथील युवा मूर्तिकार देखील सध्या श्री मुर्ती रंगविण्यामध्ये गढून गेले आहेत.
या ठिकाणी फक्त घरगुती श्री गणेश मूर्ती बनविण्यात आल्या असून त्यांची किंमत 550 पासून 3050 रुपयांपर्यंत आहे. याठिकाणी रॅकमध्ये मांडून ठेवलेल्या श्रीगणेशमुर्ती सार्‍यांचे लक्ष वेधून घेत आहेत.
