स्मार्ट सिटीची शहरात सुरू असलेली कामे म्हणजे जनतेच्या पैशाची उधळपट्टी कशी केली जाते याचे उत्तम उदाहरण आहे. गोवावेस येथील चंपाबाई भोगले शाळे समोरील रस्ता एक महिन्यापूर्वी तयार करून वाहतुकीला खुला करण्यात आला होता.
पण एक महिना झाला नाही तो पर्यंत म्हणजे नवा तयार करण्यात आलेला सिमेंटचा रस्ता पुन्हा खोदण्यात आला आहे.या रस्त्याचे काम देखील सहा महिन्यांहून अधिक काळ सुरू होते .बरेच महिने एका बाजूचा रस्ता बंद असल्याने त्या व्यापारी संकुलातील व्यापाऱ्यांचा व्यापार देखील ठप्प झाला होता.
वाऱ्याने खोदाई करण्यात आलेल्या रस्त्याची लाल माती उडून सगळ्यांना रंगपंचमी नसताना देखील लाल रंग खेळल्याची अनुभूती दररोज येत होती.शेवटी सहा महिन्या नंतर हा रस्ता तयार झाला आणि वाहतुकीला खुला करण्यात आला.आणि काही दिवस होतात तो पर्यंत पुन्हा नवा रस्ता खोदण्यात आला आहे.स्मार्ट सिटीचे काम बेजबाबदारपणे चालले आहे.
त्यांचे अन्य खात्याशी समन्वय नाही.त्यामुळे एक तर कामे रेंगाळत आहेत आणि नवे रस्ते पुन्हा खोदाई करून जनतेच्या पैशाची उधळपट्टी केली जात आहे. नवा रस्ता पुन्हा खोदाई करण्याचे कारण शोधून त्याला जबाबदार स्मार्ट सिटीचे अधिकारी किंवा कंत्राटदार यांना आता जनतेनेच जाब विचारण्याची वेळ आली आहे.
बेळगावची जनता म्हणजे मुकी जनावरे बिचारी कोणीही हाका अशीच परिस्थिती झाली आहे.सामाजिक कार्यकर्त्यांनी या बाबत जिल्हाधिकारी आणि प्रादेशिक आयुक्त यांचेकडे तक्रार करून एकदा स्मार्ट सिटी अधिकाऱ्यांची पोलखोल करणे गरजेचे आहे.
