राज्याच्या शिक्षण खात्याने दहावीची परीक्षा (एसएसएलसी) जुलैच्या तिसऱ्या आठवड्यात घेण्याची घोषणा केली आहे. त्यानुसार आता येत्या दि. 19 व 22 जुलै रोजी एसएसएलसी परीक्षा आयोजित केली जाणार आहे.
ही परीक्षा ऑब्जेक्टिव्ह पद्धतीने घेतली जाणार असून सकाळी 10 :30 ते 1:30 वाजेपर्यंत ऑब्जेक्टिव्ह प्रश्न पत्रिका देऊन ही परीक्षा घेतली जाईल.
यंदा राज्यातील 8,76,481 विद्यार्थी-विद्यार्थिनी ही परीक्षा देणार आहेत. परीक्षा सुरळीत आणि पारदर्शकपणे पार पाडण्यासाठी जिल्हा शिक्षणाधिकाऱ्यांची भूमिका महत्त्वाची असणार आहे
त्यामुळे जिल्हा शिक्षणाधिकारी गटशिक्षणाधिकारी मुख्य अधीक्षक उपमुख्य अधीक्षक पर्यवेक्षक मोबाईल स्वाधीन अधिकारी व स्थानिक जागृती दलाचे अधिकारी यांनी कोणत्या प्रकारे कार्यरत रहावे याबाबत मार्गसूची तयार करण्यात आली आहे.
