बेळगाव लोकसभा पोटनिवडणुकीतील महाराष्ट्र एकीकरण समितीचे अधिकृत उमेदवार शुभम शेळके यांच्या प्रचारासाठी महाराष्ट्रातील शिवसेना नेते आणि दैनिक सामनाचे संपादक संजय राऊत हे जाहीर सभा घेणार असून “रोड शो” देखील करणार आहेत.
म. ए. समितीचे अधिकृत उमेदवार शुभम शेळके यांच्या प्रचारासाठी शिवसेना नेते आणि दैनिक सामनाचे संपादक संजय राऊत बेळगावामध्ये बुधवार दि. 14 एप्रिल रोजी सायंकाळी जाहीर प्रचार सभा घेणार आहेत. संजय राऊत यांची ही सभा रेल्वे फ्लाय ओव्हर ब्रिज नजीकच्या मराठा मंदिरमध्ये होणार आहे.
या प्रचार सभेसह शिवसेना नेते संजय राऊत यांचा बेळगावात रोड शो देखील होणार आहे. मराठी एकिकरण समितीने गेल्या आठ दिवसांमध्ये प्रचारामुळे जोरदार मुसंडी मारली मारली असून शुभम शेळके यांचा विजय जवळपास निश्चित मानला जात आहे. त्यामुळे या वातावरणाचा अंदाज घेत संजय राऊत समितीचे उमेदवार शुभम शेळके यांची जाहीर सभा घेणार आहेत.
राऊत यांनी स्वतः ट्विटरवरून शुभम शेळके यांच्या जोरदार मुसंडीची माहिती देखील दिली आहे.
