क्षुल्लक कारणावरून येळ्ळूरच्या माजी ग्रा. पं. सदस्याला बेदम मारहाण करण्यात आली आहे. येळ्ळूरचे माजी ग्रामपंचायत सदस्य मुकुंद घाडी ( वय 42, रा. परमेश्वरनगर) यांच्यावर दारूच्या नशेत तिघांनी प्राणघातक हल्ला करण्यात आला आहे. घाडी यांच्यावर करण्यात आलेल्या मारहाणीविरोधात तिघा जणांविरुद्ध एफआयआर दाखल करण्यात आला आहे.
सदर प्रकार रविवारी (18 एप्रिल) रात्री घडला असून मुकुंद घाडी यांच्यावर खासगी इस्पितळात उपचार करण्यात येत आहेत. यासंदर्भात त्यांची पत्नी भारती घाडी यांनी दिलेल्या फिर्यादीवरून तिघा जणांविरुद्ध एफआयआर दाखल करण्यात आला आहे.
सुनील कुंडेकर, नागराज मजुकर, अनूज कुगजी ( सर्व रा. मारुती गल्ली, येळ्ळूर ) या तिघा जणांवर एफआयआर दाखल करण्यात आला आहे. रविवारी रात्री वरील तिघांनी माजी ग्रामपंचायत सदस्य मुकुंद घाडी यांच्याबरोबर वाद काढून शिवीगाळ करण्यास सुरवात केली.
त्यामुळे त्यांनी जाब विचारताच तिघांनीही त्यांच्यावर प्राणघातक हल्ला केला. यात ते गंभीर जखमी झाले. याप्रकरणी जखमी मुकुंद यांची पत्नी भारती यांनी बेळगाव ग्रामीण पोलिस ठाण्यात फिर्याद दाखल केली आहे. पोलीस निरीक्षक सुनीलकुमार नंदेश्वर पुढील तपास करीत आहेत. जखमी मुकुंद याची प्रकृती गंभीर असल्याचे माहिती मिळाली आहे.
