जांबोटी -किणये घाटामध्ये दरोडे घालणाऱ्या दरोडेखोरांच्या टोळीला गजाआड करण्यात बेळगाव ग्रामीण पोलिसांना यश आले आहे. दरोड्यांप्रकरणी पोलिसांनी 5 जणांना ताब्यात घेतले असून दरोडे घालताना वापरण्यात येणारी शस्त्रे त्यांच्याकडून जप्त करण्यात आली आहेत.
निंगप्पा नाईक, सिद्धाप्पा नाईक, भीमप्पा नाईक, धमराप्पा पुजारी आणि मारुती नाईक (सर्व रा. भारनट्टी) अशी पोलिसांनी अटक केलेल्या आरोपींची नांवे आहेत.
जांबोटी ते किणये या दरम्यानच्या घाट प्रदेशांमध्ये दरोडेखोरांची एक टोळी गेल्या कांही महिन्यांपासून रात्रीच्या वेळी बेळगाव चोर्ला मार्गावर ये-जा करणाऱ्या ट्रक आणि कार गाड्यांवर दरोडे घालून लूटमार करत होती.
याप्रकरणी तपास कार्य हाती घेऊन पोलीसांनी आज सोमवारी दरोड्यांमध्ये सामील असणाऱ्या वरील पाच जणांना ताब्यात घेतले. बेळगाव ग्रामीण पोलीस स्थानकाचे अधिकारी सुनीलकुमार नंदेश्वर यांच्या नेतृत्वाखालील खास पोलीस पथकाने ही अटकेची कारवाई करून आरोपींकडून प्राणघातक शस्त्रे जप्त केली आहेत.
https://www.instagram.com/p/CMcFkcoBU3O/?igshid=1qqgelfhodxqx
