17 रोजी बेळगाव दौऱ्यावर असणाऱ्या केंद्रीय गृहमंत्री अमित शहा यांच्या दौऱ्याच्या विशेष अतिरिक्त बंदोबस्त अधिकारी म्हणून सहाय्यक पोलीस महानिरीक्षक सीमा लाटकर यांची नियुक्ती करण्यात आली आहे.त्या निमित्ताने 16 व 17 रोजी लाटकर या बेळगाव दौऱ्यावर येत आहेत.
राज्य पोलिसमहा संचालक प्रवीण सूद यांनी लाटकर यांची शाह दौऱ्यावेळी बंदोबस्त आणि सुरक्षा विशेष अधिकारी म्हणून नियुक्ती करण्यात आली आहे.बेळगावात गेली तीन वर्षे लाटकर यांनी डी सी पी म्हणून सेवा बजावली होती त्यामुळे त्यांची नियुक्ती बंदोबस्त अधिकारी म्हणून करण्यात आली आहे.
17 रोजी केंद्रीय गृहमंत्री अमित शहा जिल्हा क्रीडांगणावर सभा घेणार आहेत या सभेसाठी एक लाख लोक उपस्थित राहतील अशी शक्यता आहे.मुख्यमंत्री बी एस येडीयुरप्पा,भाजप प्रदेशाध्यक्ष नळीनकुमार कटील,मंत्री आमदार खासदार उपस्थित असणार आहेत.
बेळगाव लोकसभा पोट निवडणुकीची घोषणा कधीही होऊ शकते त्यामुळे शाह यांच्या दौऱ्याला विशेष महत्व प्राप्त झाले आहे.
