कोरोना प्रादुर्भावाचे संकट आणि नागरिकांच्या आरोग्याच्या सुरक्षेसाठी यंदाचा अन्नोत्सव -2020-21 हा भव्य कार्यक्रम रद्द करण्याचा निर्णय रोटरी क्लब बेळगांवने घेतला आहे.
दरवर्षीप्रमाणे यावर्षीचा अन्नोत्सव कार्यक्रम आयोजित केला जाऊ नये, असा निर्णय रोटरी क्लब बेळगांवच्या पदाधिकारी व सदस्यांनी एकमताने घेतला आहे. या निर्णयामुळे सर्व अभ्यागत अर्थात नागरिकांसह स्टॉलधारक आणि अन्नोत्सवाची आयोजक मंडळी यंदाच्या या आपल्या आवडत्या कार्यक्रमाला मुकणार आहेत.
कोरोना प्रादुर्भावाचे संकट आणि सरकारची बंधने तसेच शहराचे नागरिक या नात्याने आपली जबाबदारी लक्षात घेऊन रोटरीच्या पदाधिकारी व सदस्यांनी यावर्षीचा अन्नोत्सव आयोजित न करण्याचा निर्णय घेतला आहे.
तथापि भविष्यात लवकरच एका मोठ्या कार्यक्रमाचे आयोजन करून सर्वांना मौजमजेसाठी व्यासपीठ उपलब्ध करून दिले जाईल. तेंव्हा समस्त बेळगाववासियांसह स्टाॅलधारकांनी याची नोंद घेऊन सहकार्य करावे, असे आवाहन आश्वासन रोटरी क्लब ऑफ बेळगांवने केले आहे.
