सैन्य भरती कार्यालय बेळगावंतर्फे येत्या 1 फेब्रुवारी ते 31 मार्च 2021 या कालावधीत सैन्यातील शिपाई (जीडी) यासह विविध ट्रेडसाठी भरती मेळावा आयोजित करण्यात आला आहे. सदर भरती मेळाव्यासाठी अर्ज मागविण्यात आले आहेत.
सैन्य भरतीमधील शिपाई पदासाठी किमान शैक्षणिक अहर्ता 10 वी / हायस्कूल पास आणि 45 टक्के गुण आवश्यक आहेत. या सैन्य भरतीसाठी इच्छुकांना ऑनलाईन अर्ज भरून नोंदणी करावी लागेल.
कारण भरतीप्रसंगी केवळ नोंदणी झालेल्या उमेदवारांना मैदानात प्रवेश मिळेल. थोडक्यात ज्यांना लष्कराकडून प्रवेश पत्र मिळाले असेल त्यांना प्रवेश प्राप्त होईल. सैन्यभरती सूचनेनुसार भरतीची तारीख व ठिकाण याची माहिती नंतर दिली जाईल.
उपरोक्त भरती मेळाव्यात सहभागी होऊ इच्छिणाऱ्या उमेदवारांना 5 डिसेंबर 2020 ते 18 जानेवारी 2021 या दरम्यान अर्जाद्वारे नांव नोंदणी करावी लागेल. शिपाई (जीडी) पदासाठी आवश्यक शैक्षणिक पात्रता पुढील प्रमाणे असली पाहिजे.
वय -17.5 ते 21 वर्षे (उमेदवाराचा जन्म एक ऑक्टोबर 1998 ते 1 एप्रिल 2002 दरम्यानचा असावा) उंची -166 सें.मी., छाती -77 सें.मी. 5 सें.मी. फुगून. शैक्षणिक पात्रता -दहावीच्या परीक्षेत किमान 45 टक्के गुण आणि प्रत्येक विषयात 33 टक्के गुणांसह 10 वी परीक्षा उत्तीर्ण. ग्रेडिंगचा निकष लावला असेल तर उमेदवार सी -2 ग्रेड किंवा प्रत्येक विषयात डी ग्रेडसह पास होणे आवश्यक आहे.
