रस्त्या शेजारील शेतवाडीत उलटलेल्या ट्रकवरील बोरवेल मशीन खाली सापडून सध्या संबंधित ट्रक चालक वेदनांनी तळमळत पडला असून मृत्युच्या दाढेत अडकलेल्या या चालकाला वाचविण्याचे अथक प्रयत्न केले जात आहेत. बसवणं कुडची गावाजवळ बळ्ळारी नाल्या नजीक हा अपघात घडला आहे.
याबाबतची थोडक्यात माहिती अशी की, बेळगावच्या दिशेने येणारा बोरवेल मशनरी असणारा एक ट्रक चालकाचे नियंत्रण सुटल्याने आज दुपारी सांबरा गावाजवळ बळ्ळारी नाल्यानजीक शेतवाडीत उलटून पडला.
या अपघातात ट्रकचा क्लीनर सुखरूप बचावला असला तरी दुर्देवाने ट्रकचा चालक बोरवेलच्या मशिनखाली सापडला आहे. बोजड मशिनीखाली सापडल्यामुळे दोन-अडीच तासापासून तो तळमळत असून त्यांची सुटका करण्यासाठी सर्वतोपरी प्रयत्न केले जात आहेत.
ट्रक चालकाच्या छातीवरच अवजड मशीन पडली आहे. ती उचलून बाजूला करणे शक्य नसल्यामुळे खालची जमीन खणून ट्रकचालकाला वाचविण्याचे प्रयत्न केले जात आहेत. दरम्यान मशीन खाली चिरडला गेल्यामुळे मृत्युच्या दाढेत सापडलेला ट्रक चालक वेदनांनी तळमळताना पाहुन उपस्थितांमध्ये हळहळ व्यक्त होताना दिसत होती.
गेले तीन तास हा चालक विव्हळत असतानाचे चित्र हृदय द्रावक होते अनेक जण त्याचा जीव वाचवण्यासाठी अथक प्रयत्न करताना दिसत होते दुपारी तीन पर्यन्त ते प्रयत्न सुरूच होते
