सुळगा येथे युवकाचा बुडून मृत्यू

बेळगाव तालुक्यातील हिंडलगा येथील सुळगा गावात एका युवकाचा बुडून मृत्यू झाल्याची घटना घडली आहे.

शेतीसाठी निर्माण करण्यात आलेल्या कृत्रिम तलावाजवळ मेंढ्या चारण्यासाठी गेलेल्या युवकाचा तोल जाऊन, पाय घसरून तलावात बुडून मृत्यू झाला आहे.

विठ्ठल अनगोळकर वय 32 रा. सुळगा हिंडलगा असे या मयत युवकाचे नाव आहे रविवारी दुपारी 3:30 वाजता ही घटना घडली आहे.

हा युवक ३२ वर्षीय असून त्याचा मृतदेह तलावाबाहेर काढण्यात आला आहे. या घटनेने परिसरात हळहळ व्यक्त करण्यात येत आहे. या घटनेची नोंद काकती पोलीस स्थानकात झाली आहे.