कोरोनाचे संकट अद्याप असले तरीही फार काळ शाळा बंद ठेवून चालणार नाहीत ते लक्षात घेऊन येत्या कांही दिवसात सरकार याबाबत अंतिम निर्णय आहे. मात्र शाळा सुरू होण्यापूर्वी सर्व शिक्षकांना प्रथम कोविड -19 चांचणीला सामोरे जावे लागण्याची शक्यता आहे.
बाल हक्क आयोगाने राज्यातील शाळा सुरू कराव्यात अशी शिफारस सरकारकडे केली आहे. परिणामी शाळा सुरू करण्याबाबत पुन्हा एकदा चर्चा सुरू झाली आहे. तसेच शाळा सुरू होण्यापूर्वी विद्यार्थ्यांसह शिक्षकांसाठी कांही सूचना केल्या जात आहेत. यामध्ये सरकारी, अनुदानित आणि विनाअनुदानित शाळांमधील सर्व शिक्षकांची कोविड -19 चांचणी करण्याची सूचना करण्यात आली आहे.
शिक्षण खात्याने विद्यार्थ्यांचे शैक्षणिक नुकसान होऊ नये यासाठी विद्यागम योजना हाती घेतली आहे. या योजनेमुळे अभ्यासापासून दूर गेलेले विद्यार्थी पुन्हा एकदा अभ्यासाकडे वळले आहेत. मात्र राज्याच्या कांही भागात विद्यागम अंतर्गत शिक्षण उपलब्ध करून देताना कांही विद्यार्थ्यांना कोरोनाची लागण झाल्याचे आढळून आले आहे. त्यामुळे खबरदारी म्हणून शाळा सुरू करण्याचा निर्णय घेण्यात आला आहे. मात्र कोरोनाचा धोका लक्षात घेऊन सर्व शिक्षकांना कोविड -19 चांचणी करून घ्यावी लागणार आहे.
सरकारच्या या निर्णयाचे कांही शिक्षकांनी स्वागत केले आहे तर अनेकांनी शिक्षकांची सरसकट चांचणी करण्याची गरज नसल्याचे मत व्यक्त केले आहे. दरम्यान शाळा सुरु करण्यापूर्वी सर्व प्रकारची खबरदारी घेणे आवश्यक असून शिक्षकांची कोविड -19 चांचणी करण्याचा शासनाचा निर्णय योग्य आहे. भावी काळात शिक्षण खात्याने शाळा सुरू करण्याचा निर्णय घेताना विद्यार्थ्यांना कोणत्याही प्रकारचा त्रास होणार नाही याकडे लक्ष देणे गरजेचे आहे, असे मत प्राथमिक शिक्षक संघटनेचे अध्यक्ष जयकुमार हेबळी यांनी व्यक्त केले आहे.
