डॉ. अंजलीताई निंबाळकर काँग्रेसच्या नव्या प्रवक्त्या-केपीसीसी अध्यक्ष डी. के. शिवकुमार यांनी बेळगाव जिल्ह्याला वेळाच दर्जा दिला आहे. या अनुषंगाने खानापूरच्या आमदार डॉ. अंजलीताई निंबाळकर यांची काँग्रेसच्या प्रवक्तेपदी नेमणूक करण्यात आली आहे. यासंदर्भातील आदेश डी. के. शिवकुमार यांनी दिला आहे.
खानापूर भागात सामाजिक, सांस्कृतिक क्षेत्रात अंजलीताई निंबाळकर या नेहमीच अग्रेसर असतात. तसेच पक्षासंदर्भातील उपक्रमातही त्या हिरीरीने भाग घेतात. या सर्वांची दखल घेऊन राज्यस्तरावर पक्षाच्यावतीने हा निर्णय घेण्यात आला आहे.
सामाजिक कार्यात सातत्याने आपला ठसा उमटविणाऱ्या अंजलीताई निंबाळकर यांनी एमबीबीएस पदवी प्राप्त केली असून पक्षाच्या बळकटीसाठी अग्रेसर असणाऱ्या निंबाळकर यांची प्रवक्तेपदी निवड झाल्याने त्यांचे अभिनंदन करण्यात येत आहे.
