आयपीएल क्रिकेट सत्र सुरु झाले असून त्याची नशा बेळगावकरांमध्येही दिसून येत असून बेळगाव जिल्ह्यात चक्क क्रिकेट संघाच्या नवे धाबा सुरु करण्यात आला आहे. RCB म्हणजेच रॉयल चॅलेंज बंगळूर या नावाने धाब्याला सुरुवात करण्यात आली आहे.
चिक्कोडी तालुक्यातील एकसंबा गावाजवळील सदलगा रोडवर हा RCB या धाब्याचे आयपीएलच्या पहिल्या क्रिकेट सामान्यादिवशी उदघाटन करण्यात आले आहे.
कर्नाटकाच्या वतीने खेळण्यात येणाऱ्या या आरसीबी टीमच्या नावे हा धाबा असून यावेळी आयपीएल चषक हाच संघ जिंकेल या भावनेने दशरथ नामक युवकाने हि संकल्पना अंमलात आणली आहे.
आरसीबी संघाचे चाहते या धाब्यावर क्रिकेटचा सामना पाहण्याच्या पर्वणीसह रुचकर मेजवानी चाखायलाही नक्कीच येतील, शिवाय यंदाचा आयपीएल चषक रॉयल चॅलेंज बंगळूर या संघाकडे येईल, अशी आशा या तरुणाने बोलून दाखविली आहे.
बेळगावात तर मुंबई इंडियन्स आणि चेन्नई सुपरकिंग्ज संघाचे चाहत्यांची संख्या भरपूर आहे. आपापल्या संघाना पाठिंबा देणारे स्टेटस व्हीडिओ फोटो बनवले जात आहेत एकूणच कोरोना आणि लॉक डाऊन नंतर आय पी एल चा मनोरंजन म्हणून उपयोग होत आहे.
