कोरोनाच्या वाढत्या प्रादुर्भावाच्या पार्श्वभूमीवर फेसबुक फ्रेंडस् सर्कलतर्फे शहरातील आघाडीच्या फळीतील कोरोना वॉरियर्सना फेस शील्ड वितरित करण्याचा उपक्रम नुकताच पार पडला.
फेसबुक फ्रेंडस् सर्कलतर्फे शहरातील बीम्स हॉस्पिटलमधील कोरोनाग्रस्त रुग्णांना हाताळणाऱ्या वॉर्डबॉय, परिचारिका आदी वैद्यकीय कर्मचाऱ्यांसह शववाहिकांचे चालक आणि रुग्णवाहिका चालक गणेश रोकडे यांना फेस शिल्डचे मोफत वाटप करण्यात आले.
त्याचप्रमाणे सदाशिवनगर वैकुंठ भूमी व अंजुमन दफनभूमी येथील मृतांवर अंत्यसंस्कार करणाऱ्या कर्मचाऱ्यांना देखील फेस शील्ड देण्यात आले.
याप्रसंगी फेसबुक फ्रेंडस् सर्कलचे प्रमुख संतोष आर. दरेकर, शाबोद्दिन बॉम्बेवाले व्हेगा ऑटोचे विक्री व्यवस्थापक विशाल गीते, सॅमसंग स्मार्टफोन कॅफे टीमचे भारत राठोड, कुणाल जैन, मुजिम बडवाले, अबूझार संगोळी, इमरान सौंदत्ती, सूरजपाल सिंग चौहान आदी उपस्थित होते.
