भरधाव कारनं ठोकल्याने गांधीनगर जवळ अपघातात बसूर्ते येथील एक तरुण ठार झाला आहे. ही घटना सोमवारी घडली आहे. या घटनेने बसूर्ते गावावर शोककळा पसरली आहे. योगेश बाळकृष्ण मोरे वय सत्तावीस राहणार बसूर्ते असे अपघातात ठार झालेल्या दुर्दैवी तरुणाचे नाव आहे.
योगेश हा पेंटर काम करत होता. रस्ता ओलांडताना भरधाव कारची धडक बसल्याने योगेश हा जागीच ठार झाला आहे. वाहतूक उत्तर विभाग पोलीस स्थानकात या घटनेची नोंद झाली आहे. योगेश हा पेंटर काम करत होता. गांधीनगर येथे त्याचे नातेवाईक राहत असल्याने तो सायंकाळी साडेचारच्या सुमारास उड्डाणपूल जवळ रस्ता ओलांडत असताना हा अपघात घडला आहे. अपघातानंतर कार चालक फरारी आहे.
पोलिसांनी दिलेल्या माहितीनुसार तवेरा कारणे या तरुणाला चिरडले आहे. कार चालकाने आपल्या वाहनांसह पलायन केल्याची माहिती पोलिसांनी दिली आहे. वाहतुक उत्तर विभाग पोलीस पुढील तपास करीत आहेत. योगेशच्या मृतदेहावर उत्तरीय तपासणी करून मृतदेह नातेवाईकांच्या ताब्यात देण्यात आला आहे. पोलीस फरारी कार चालकाचा शोध घेत आहेत.
