बलिनो कारचा टायर फुटल्याने कारने मागून दुचाकीला धडक दिल्याने झालेल्या अपघातात दुचाकीस्वार केएसआरपी हवालदाराचा घटनास्थळी मृत्यू झाल्याची घटना काकती येथील सिद्धेश्वर मंदिराजवळ घडली आहे.या अपघातात एक ठार तर एक जखमी झाली आहे.
हालाप्पा यल्लप्पा चंडगी वय 47 रा. भूतरामहट्टी बेळगाव असे अपघातातील मयताचे नाव आहे तो मच्छे येथील के एस आर पी मध्ये हवालदार म्हणून काम करत होता तर दुचाकीवर मागे बसलेला रायाप्पा दत्ता पाटील हा जखमी असून त्याच्यावर इस्पितळात उपचार सुरू आहेत.
पोलिसांनी दिलेल्या माहितीनुसार बलीनो कार ने गाडीवरील नियंत्रण सुटल्याने दुचाकीला जोराची धडक दिली त्यात दुचाकी चालवणारे हलाप्पा हे घटनास्थळीच ठार झाले. काकती येथील सिद्धेश्वर मंदिर जवळील रस्त्यावर हा अपघात झाला.
कारचे नियंत्रण सुटल्याने कार दुभाजकाला आदळली नंतर दुचाकीला ठोकर मारली.काकती पोलीस निरीक्षक श्रीशैल कलादगी यांनी घटनास्थळी भेट देऊन पंचनामा केला.
