बेळगाव कोरोनामुळे विवाह समारंभ रद्द करण्यात आले होते . मात्र आता पोलिसांची परवानगी घेवून १५ जणांच्या उपस्थितीत विवाह करण्यास मुभा देण्यात आली आहे . ज्या कोणाला विवाह करायचा आहे त्यांनी लग्न पत्रीका जोडून पोलीस आयुक्त कार्यालयात यावी त्या ठिकाणी रितसर परवानगी दिली जाईल असे सांगण्यात आले आहे .
जिल्हाधिकाऱ्यांना परवानगीबाबत निवेदन देण्यासाठी काही जण आले असता त्यांना ही माहिती देण्यात आली आहे. लॉकडाऊनमुळे विवाह समारंभाबरोबरच इतर सर्व कार्यक्रम रद्द करण्याचे आदेश देण्यात आले होते . या सर्व कार्यक्रमांवर निर्बध लादण्यात आले होते . मात्र काही जणांचा विवाह ठरला होता . मात्र कोरोनामुळे विवाह करणे अशक्य झाले होते काही जणांनी लग्नपत्रीका छपाई केल्या होत्या . मात्र विवाह रद्द करावा लागला आहे .
सोमवारी काही जणांनी जिल्हाधिकाऱ्यांकडे धाव घेतली . त्यावेळी ही समस्या सांगण्यात आली शिरस्तेदार मंजूनाथ जानकी यांना निवेदन देण्यात आले . त्यांनी वरिष्ठ अधिकाऱ्यांशी चर्चा केली , त्यावर पोलिसांकडून परवानगी घेवून विवाह करण्यास मभा देण्यात आली यावेळी सुनील जाधव , किरण हणमंताचे . भय्या होसूरकर , विकी कामाणाचे यांच्यासह इतर तरुण उपस्थित होते
