तामिळनाडू येथील एक महिला रेल्वेमधून प्रवास करताना बेळगाव येथे उतरली आणि ट्रेन निघून गेली .तेव्हापासूनचा तिचा खडतर प्रवास पोटासाठी ची होणारी परवड आणि बरेच काही ती झेलत होती. तिच्या सोबत कोणीच नसल्याने मोठी समस्या निर्माण झाली होती. मात्र बेळगाव येथील काही युवकांनी तिला आधार दिला आहे.
माहितीनुसार ती तामिळनाडूची आहे. बेळगावात पोहोचल्यावर लॉकडाऊन जाहीर केले गेले आणि तिला जाण्याचा मार्ग नव्हता. परत घराच्या दिशेने फिरत होती. गेल्या दहा दिवसांपासून ती कोल्हापूर सर्कल जवळ फूटपाथवर राहत होती. ती निराधार बनली होती. मात्र जेव्हा बेळगाव येथील काही युवकांना ही माहिती समजली त्यांनी तातडीने तिची भेट घेऊन तिला आधार दिला आहे.
या युवकाने तिला जेवण खाण करून एका निराधार आश्रय केंद्रात दाखल केले आहे. सध्या कोरोना मुळे सर्व देशात लॉक डाऊन सुरू आहे. त्यामुळे त्या निराधार आजीची व्यवस्था बेळगाव येथील निराधार केंद्रातच करण्यात आली आहे. यापुढेही आणखी काही दिवस तिथेच राहणार असून त्याची देखभाल करण्याचे सांगण्यात आले आहे.
बेळगाव येथील गुरुप्रसाद कॉलनीमध्ये रूपा चोळाप्पाचे संचालित असलेल्या आश्रमातील ( आनंद यात्री वृद्धा आश्रम ) यांच्याशी संपर्क साधून या निराधार आजीला तेथे आश्रय देण्याचे सांगण्यात आले आहे. लॉक डाऊन संपल्यानंतर तिला तिच्या गावी परत पाठवून देण्याची माहितीही त्यांनी दिली आहे.
