दिल्लीतील निजामुद्दीन मरकाझ कार्यक्रमाला उपस्थित राहण्यासाठी इंडोनेशियाहून दहा जण आले होते.दिल्लीहून ते दहा जण बंगलोरला आले.नंतर ते बेळगावला येऊन राहिले.ते बेळगावात असतानाच त्यांचे क्वांरंटाईन करण्यात आले.
त्या कालावधी नंतर त्यांच्यात कोरोनाची लक्षणे आढळून आली नाहीत.पण तरीही त्यांचे नमुने बंगलोर प्रयोगशाळेला तपासणीसाठी पाठविण्यावचा निर्णय घेण्यात आला आहे.
इंडोनेशियाहून आलेल्या दहा जणांचे पासपोर्ट जिल्हा प्रशासनाने आपल्या ताबायत घेतले आहेत.दिल्लीतील निजामुद्दीन मरकाझ मध्ये सहभागी होण्यासाठी बेळगाव जिल्ह्यातून बरेच जण गेले होते.त्यांची माहिती गोळा करण्याचे काम सुरू आहे.
दिल्लीतील निजामुद्दीन मशिदीतील धर्मसभेला देशाच्या सगळ्या राज्यातून अनेकांनी हजेरी लावली होती.बेळगावात सध्या निजामुद्दीन मशिदीतून दहा इंडोनेशियाचे नागरिक मशिदीत राहत असल्याची घटना उघडकीस आली आहे.ही घटना ताजी असतानाच बेळगाव जिल्ह्यातील एका गावातून दहा जण दिल्लीतील निजामुद्दीन धर्मसभेला जावून आल्याची माहिती उजेडात आली आहे.
गोकाक तालुक्यातील सिंधी कुरबेट गावचे हे दहा जन असून त्यांना तेथील मोरारजी देसाई शाळेत क्वांरंटाईन करण्यात आले आहे.या घटनेनंतर त्या गावात दवंडी पेटवून सतर्कतेचा इशारा देण्यात आला आहे.घरातून कोणीही बाहेर पडू नये असे गावातील वडीलधारी आणि पंच मंडळींनी सूचना ग्रामस्थांना केली आहे.
