एकीकडे भारतात लॉक डाऊन मुळे सर्वांचे उद्योग,व्यवसाय रोजीरोटी बंद असताना एक इंडस्ट्री मात्र राजरोस पणे चालू आहे आणि यातून बक्कळ नफा कमवत आहे ही इंडस्ट्री आहे ऑनलाइन मनोरंजन अँप चीन इंडस्ट्री कोरोना महामारीमुळे सगळीकडे लॉकडाऊन केले गेले आहे याचाच फायदा घेत ऑनलाईन मनोरंजन अँप च्या माध्यमातून जनतेची लूट चाललेली निदर्शनात येत आहे. आणि त्याहून कहर म्हणजे अश्या अँप निम्म्या दरात उपलब्ध करवून देण्याच्या आमिषाने आता ऑनलाइन फसवणूक सुद्धा सुरू असल्याचा घटना समोर येत आहेत.
देशात कोरोनाचा फैलाव दिवसेंदिवस वाढतच चालला आहे . कोरोना चा प्रसार रोकण्या साठी केंद्र सरकार ने देश लॉक डाउन घोषित केला आहे . लॉक डाउन च्या काळात आपला वेळ मनोरंजना मध्ये गुंतवण्यासाठी नागरिकांचा ओढा ऑनलाईन अँप नेटफ्लिक्स’ , अमेझॉन प्राईम , अल्ट बी बालाजी , झी ५ ,इत्यादी अँप्लिकेशन कडे वाढला आहे. या संधीचा फायदा घेत नागरिकांची मोठया प्रमाण मध्ये लूट सुरु आहे , फेसबुक, इंस्टाग्राम स्पॉन्सर जाहिरातीच्या माध्यमातून निम्या दरात अँप्लिकेशन मिळतील असे मार्केटिंग करत आहेत.
गूगल पे , फोन पे , ऑनलाईन बँकिंग च्या माध्यमातून पैसे ट्रांसफर होताच त्या व्यक्तीशी संपर्क बंद करत आहेत. अश्या प्रकारे नागरिकांची मोठ्या प्रमाण मध्ये लूट सुरु आहे अश्या आशयाच्या बातम्या येत आहेत.
अश्या माध्यमाकडे तरुणाईचा ओढा अधिक आहे त्यामागील कारण म्हणजे बी ग्रेड किंवा अडल्ट वेब सिरीज, भारतात अश्लील दृश्य असलेले चित्रपट किंवा दूरदर्शन वरील मालिकांमध्ये दाखविण्यासाठी सेन्सर बोर्डच्या कात्रीतून जावे लागते पण या ऑनलाइन माध्यमाच्या वेबसिरीज ला सेन्सर बोर्डच्या सर्टिफिकेट ची गरज नसल्याने सर्रास काही वेबसिरीज या तरुणांचा आंबट कल पाहता बनविण्यात येत आहेत, पण ही माध्यमे सबस्क्राईब(शुल्क सदस्यत्व) करावी लागतात आणि त्याचे मासिक शुल्क आणि त्याचबरोबर एखादा चित्रपट किंवा वेबसिरीज पहायची असल्यास वेगळे शुल्क मोजावे लागतात.
या माध्यमामुळे ही इंडस्ट्री तर नफा कमवत आहेच पण ऑनलाइन फसवणूक करणारे सुद्धा सक्रिय झालेले दिसत आहेत.
सुज्ञ पालकांना विनंती आहे की आपल्या आपल्या अल्पवयीन मुलांना अश्या माध्यमापासून दूर ठेवावे.
प्रौढ तरुणांनी ऑनलाइन फसवणुकीला बळी न पडता जर त्यांना अशी माध्यमे सबस्क्राईब करायचीच असल्यास अधिकृत संकेतस्थळावर जाऊन सबस्क्राईब करावी.
पण सरकारने सुद्धा अश्या गोष्टीकडे गांभीर्याने पाहण्याची गरज आहे. जर मनोरंजन म्हणून चांगले कार्यक्रम ही माध्यमे देत असतील तर चांगलेच आहे पण अश्लीलतेचा आधार घेऊन गलेलठ्ठ नफा कमवत असतील तर अश्या गोष्टीवर निर्बंध आले पाहिजेत अशी मागणी सुज्ञ नागरिकांकडून होत आहे.
