लॉक डाऊनमुळे सिव्हिल हॉस्पिटल येथील रुग्ण आणि त्यांच्या नातेवाईकांचे पोटापाण्याचे हाल होत आहेत, हे लक्षात घेऊन राष्ट्रवादी काँग्रेस पक्षाच्या बेळगाव जिल्हा शाखेतर्फे शुक्रवारी याठिकाणी अन्नदान उपक्रम राबविण्यात आला.
लॉक डाऊनमुळे सध्या सर्व दैनंदिन व्यवहार बंद झाले आहेत हॉटेल, कॅन्टीन, रेस्टॉरंट आदी सर्व कांही बंद असल्यामुळे नागरिकांचे विशेष करून हॉस्पिटलमधील परगावातील रुग्णांच्या नातेवाईकांचे पोटापाण्याचे हाल होत आहेत. यासाठी जळगाव जिल्हा राष्ट्रवादी काँग्रेस पक्षातर्फे शुक्रवारी सिव्हील हॉस्पिटल आवारात अन्नदान उपक्रम राबविण्यात आला. या उपक्रमांतर्गत सुमारे 180 ते 190 लोकांना अन्नाची पाकिटे वाटण्यात आली.
सदर उपक्रम यशस्वी करण्यासाठी राष्ट्रवादी काँग्रेस पक्षाचे जिल्हाध्यक्ष राजू पाटील यांच्या मार्गदर्शनाखाली सरचिटणीस अमोल देसाई, ज्योतिबा पाटील, गौतम कांबळे, दुर्गेश मेस्त्री, श्याम मंतेरो आदींनी विशेष परिश्रम घेतले. प्रसारमाध्यमांशी बोलताना जिल्हाध्यक्ष राजू पाटील यांनी सदर अन्नदानाचा उपक्रम लॉक डाऊनचा कालावधी समाप्त होईपर्यंत दररोज राबविण्यात येणार असल्याचे सांगितले.
