दरवर्षीप्रमाणे शिवसेना बेळगाव जिल्हा (सीमाभाग) यांच्यातर्फे आज गुरुवारी सकाळी तिथीनुसार छ. शिवाजी महाराज यांची जयंती साजरी करण्यात आली.
शहापूर येथील छ. शिवाजी उद्यानामध्ये हा कार्यक्रम आयोजित करण्यात आला होता. याप्रसंगी उद्यानातील शिवरायांच्या मूर्तीला अभिषेक घालून प्रेरणामंत्र म्हणून शिवसेना बेळगाव जिल्हा (सीमाभाग) प्रमुख प्रकाश शिरोळकर आणि उपजिल्हाप्रमुख बंडू कराडकर यांच्या हस्ते पूजन करण्यात आले.
यावेळी उपस्थित शिवसैनिकांनी छत्रपती श्री शिवाजी महाराज की जय! छत्रपती श्री संभाजी महाराज की जय! या जयघोषाने परिसर दणाणून सोडला होता. ध्येय मंत्रानंतर प्रसाद वाटपाने कार्यक्रमाची सांगता झाली.
सदर कार्यक्रमास शिवसेना तालुकाप्रमुख सचिन गोरले, सुनील पाटील, उपशहर प्रमुख प्रवीण तेजम, राजकुमार बोकडे, प्रकाश राऊत, राजू तुडयेकर, वैजनाथ भोगण, विजय गव्हाणे, विजय मुरकुटे, शिवा केरवाडकर, अध्यक्ष शिरोळकर, प्रकाश हेब्बाजी आदींसह शिवसेनेचे आजी-माजी पदाधिकारी शिवसैनिक आणि शिवप्रेमी नागरिक बहुसंख्येने उपस्थित होते.
