देवगिरी तालुका बेळगाव येथील तरुण घरी परतत असताना अपघात झाल्याने तो ठार झाला आहे. होनगा येथून आपल्या घरी परतत असताना मंगळवारी रात्री हा अपघात घडला आहे. त्यामुळे गावात हळहळ व्यक्त करण्यात येत आहे.
वजीरा सुरेश कुंबरगी (वय 27) असे मृताचे नाव आहे. मंगळवारी रात्री तो होनगा या गावावरून आपल्या देवगिरी या गावी परतत होता. वाहणावरील ताबा सुटल्याने तो एका झाडाला आदळला. यावेळी त्याचा मृत्यू झाल्याचे पोलिसांनी सांगितले.
देवगिरी गावात भरमा गल्ली येथे तो राहतो. रात्री हा अपघात घडल्याची माहिती गावात पसरताच नागरिकांनी घटनास्थळी एकच गर्दी केली होती. तातडीने या बाबतची माहिती पोलीस स्थानकात देण्यात आली. रात्रीच्या वेळी या परिसरात वारंवार अपघात घडत असल्याचेही यावेळी सांगण्यात आले.
मंगळवारी रात्री अपघाताची बातमी कळताच काकतीचे पोलीस निरीक्षक श्रीशैल कौजलगी, उपनिरीक्षक लखनगौडा यांच्यासह त्यांच्या सहकाऱ्यांनी घटनास्थळी भेट देऊन पंचनामा केला. मृतदेह शवविच्छेदनासाठी सिव्हिल हॉस्पिटल मधील शवागारात हलविण्यात आला आहे. उत्तरीय तपासणीनंतर मृतदेह नातेवाईकांच्या ताब्यात देण्यात आला.
याप्रकरणी काकती पोलिस ठाण्यात गुन्हा दाखल करण्यात आला आहे.
