चांगला विषय,रंगभूमीवरील कलाकारांचा उत्कृष्ट अभिनय आणि जोडीला मार्केटिंगची साथ असेल तर प्रेक्षक रंगभूमीकडे नक्कीच आकृष्ट होतील असे मत रंगभूमी आणि मालिका कलाकार माधव अभ्यंकर यांनी व्यक्त केले.विविध प्रकारच्या सध्या सुरू असणाऱ्या स्टेज शो विषयी बोलताना त्यांनी आपले मत मांडले.
1994 पासून मी रंगभूमीवर असून आजवरच्या माझ्या अभिनयाला सादरीकरणाला उस्फुर्त प्रतिसाद मिळाला आहे.बेळगावात 8 मार्च रोजी होणारे हे त्यांचे 1240 वे नाटक आहे.पण निपाणी येथे ओपन स्टेजवर केलेला प्रयोग आजही प्रेक्षकांच्या उस्फुर्त प्रतिसादामुळे आजही स्मरणात आहे असे ते म्हणालेे.
घाशीराम कोतवाल नाटकात त्यांची प्रमुख भूमिका आहे.या नाटकात काम करणारे कलावंत मल्टी टॅलेंटेड आहेत हे नाटक पाहताना ध्यानात येईल.हे नाटक पूर्णपणे राजकीय असून त्यामध्ये संगीत,नृत्य,गायन आणि अन्य बाबी पाहायला मिळतील.नाटकातील कलाकार नृत्य करताना गायन करताना पाहायला मिळतील.त्यांच्या देहबोलीतून सारे काही प्रेक्षकांना समजेल असेही अभ्यंकर म्हणाले.
अभ्यंकर यांनी कन्नड चित्रपट सरकारी केलंस देवर केलंस या चित्रपटात अभिनय केला आहे.बंगाली,कन्नड आणि मराठी नाटकं देशभरात लोकप्रिय आहेत.घाशीराम कोतवाल नाटकाचे कन्नड,इंग्रजी आणि अन्य भाषांत भाषांतर झाले असून अनेक राज्यात त्याचे प्रयोग होत आहेत असेही अभ्यंकर म्हणाले.
