खानापूर तालुक्यातील बोगुर गावाजवळ शनिवारी कामगारांनी भरलेला ट्रॅक्टर पूलावरून कोसळल्याने कमीतकमी 7 जण ठार तर 14 जण जखमी झाल्याची घटना शनिवारी उघडकीला आली आहे. त्यामुळे या गावात एकच खळबळ माजली आहे.
मृतांची नावे पुढील प्रमाणे बोगुरा गावचे सावित्री बाबू थुनीसक्कट्टी, तेंगेवा यल्लाप्पा हंसिक्कट्टी, अशोक फकीरा केदारी, शांतम्मा यल्लप्पा जुंजारी, शांतावा हनुमंता अलागुंडी आणि नागव्वा यशवंत मथोली अशी त्याची नावे आहेत.
सकाळी 11च्या दरम्यान हा अपघात झाला आहे ऊस तोडणी कामगारांना घेऊन ट्रॅक्टर जात होता ट्रॅक्टर चालकाच्या बेजबाबदार पणामुळे अपघात घडला आहे.ट्रॅक्टर चालकाचे वाहनवरील नियंत्रण सुटल्याने ट्रॅक्टर नाल्यात कोसळला ट्रॅक्टर मध्येबसलेल्या कामगारांच्या अंगावर पलटी झाला.
मयत झालेले ऊस तोडणी कामगार स्थानिक असून बोगुर गावचे असण्याची शक्यता आहे.नंदगड पोलिसांनी घटना स्थळी धाव घेऊन पंचनामा केला आहे.14 जखमींना बेळगाव उपचारासाठी बेळगाव इस्पितळात दाखल करण्यात आले आहे.
