बेळगाव शहर आणि परिसरात चोरट्यांचा उच्छाद वाढला आहे. त्यामुळे जनताही वैतागली आहे. भाग्यनगर येथील आठव्या क्रॉसवर चोरटे चोरी करण्यासाठी सक्रिय असताना घरातील व्यक्तींनी लाइट पेटविताच चोरट्यानी पोबारा केला आहे. या घटनेमुळे परिसरात एकाच गोंधळ माजला असून भीतीचे वातावरण निर्माण झाले आहे.
शुक्रवारी रात्री 11 च्या सुमारास ही घटना घडली आहे. घरातील सर्व मंडळी झोपण्यासाठी वरच्या मजल्यावर गेली होती. त्यावेळी चोरट्यांनी घरात कडी तोडून घरात प्रवेश करण्याचा प्रयत्न केला. मात्र घरातील एक महिला जागे झाली आणि चोरांचा डाव फसला. घरातील लाइट सुरू केल्यानंतर चोरटे फसार झाले आहेत.
रामचंद्र बंडू मोरे यांच्या घरी चोरीचा हा प्रयत्न केला गेला आहे . मात्र त्यांची सून यांनी काहीतरी आवाज आल्याचे समजताच बाहेरचा दरवाजा उघडून लाईट सुरू केला . त्यामुळे हा प्रकार निदर्शनास आला. आरडाओरडा करताच चोरट्यानी तेथून पळ काढला आहे.
टिळकवाडी पोलीस स्थानकात या घटनेची माहिती देण्यात आली आहे. पोलीस निरीक्षक व त्यांच्या सहकाऱ्यांनी घटनास्थळी दाखल होऊन पाहणी केली आहे. पोलीस पुढील तपास करीत आहेत
