आंतरराष्ट्रीय जलरंग चित्रकार विकास पाटणेकर यांच्या जलरंग चित्राच्या प्रात्यक्षिकाला कलाप्रेमींचा उस्फुर्त प्रतिसाद लाभला.महावीर भवनच्या आर्ट गॅलरीत आयोजित करण्यात आलेल्या प्रात्यक्षिकाला आर्ट गलरीची जागा कमी पडली.
जलरंगातील चित्र कसे आकार घेते याचे उत्कृष्ट प्रात्यक्षिक उपस्थितांना पाहायला मिळाले.
कागदावर पाहिलेंदा स्केच काढून नंतर त्यावर ब्रशने विकास पाटणेकर यांनी रंग भरले.एकाच रंगाच्या विविध छटा चित्रात दाखविण्याचे त्यांचे कौशल्य कौतुकास्पद म्हणावे लागेल.केवळ चाळीस मिनिटात विकास पाटणेकर यांनी जलरंगातील निसर्ग चित्र काढून उपस्थितांची मने जिंकली.
प्रात्यक्षिकानंतर प्रश्नोत्तरे झाली.यावेळी उपस्थितांनी विविध प्रश्न विचारून आपल्या शंकाचे निरसन करून घेतले.यावेळी अनेक संस्था आणि मान्यवरांनी विकास पाटणेकर यांचा सत्कार केला.
