कर्नाटक पोलीस खात्यात पीएसआय पदासाठी अर्जाचे आवाहन करण्यात आले आहे.त्यामुळे पदवीधर तरुण,तरुणींना पीएसआय पदासाठी नशीब अजमावून पाहण्याची संधी लाभली आहे. या भरतीची अधिसूचना जारी करण्यात आली आहे
सिव्हिल पोलीस पीएसआय पदासाठी अधिसूचना जारी केली असून एकूण तीनशे जागा आहेत.आजपासून ऑनलाइन अर्ज भरण्याची प्रक्रिया सुरू झाली असून सहा नोव्हेम्बर ही अर्ज भरण्याची अंतिम तारीख आहे.बेळगावातील इच्छुक युवक युवतींनी या पी एस आय भरतीचा लाभ घ्यायला हरकत नाही.
पुरुष,महिला आणि सेवेत असलेले पोलीस कर्मचारी अर्ज करू शकतात.205 जागा पुरुषासाठी आहेत.महिलांसाठी 63 पदे आहेत.32 पदे पोलीस खात्यातील कर्मचाऱ्यांसाठी आहेत.अर्जदार मान्यताप्राप्त विद्यापीठाचे पदवीधर असावेत.सर्वसामान्य गटासाठी 250 रु शुल्क असून मागासवर्गीय उमेदवारासाठी 100 रु शुल्क आहे.अधिक माहितीसाठी www.ksp.gov.in या वेबसाईटला भेट द्यायला हरकत नाही.
