नवरात्री उत्सवात निघणाऱ्या दुर्गामाता दौड मध्ये सर्वात मोठी दौड मानली जाणारी म्हणजे शहापूर ची दौड.सर्वाधिक वेळ चालणारी ही दौड जवळ जवळ 15 किलोमीटरची असते. दर वर्षी ह्या दौडी मध्ये सहभागी होणाऱ्या शिवप्रेमींची उपस्थिती लक्षणीय असते. पण रात्रभर कोसळणाऱ्या पावसामुळे दौडीच्या स्वागताची तयारी करणाऱ्या शिवभक्तांचा हिरमोड झाला. पाऊस सुरू असल्यामुळे सुरुवातीला गर्दी कमी होती. पाऊस थांबण्याची वाट न पाहता धारकार्यांच्या आणि शिवप्रेमींच्या सहभागाने भर पावसातच दौडीला सुरुवात झाली.
दर वर्षी प्रमाणे या वर्षी ही शिवप्रेमींचा सहभाग अभूतपूर्व होता. साक्षात दुर्गादेवीच जणू भगव्या ध्वजाच्या रूपाने दौडीत अग्रभागी असल्यामुळे काही वेळाने पाऊस निघून गेला.दौडीच्या अग्रभागी परम पवित्र भगवा ध्वज त्या नंतर शास्त्र पतक मग भगवे फेटेधारी ध्वज रक्षक पतक मग महिला व तरुणी त्या मागे बाळगोपाळ शेवटी तरुण कार्यकर्ते आस दौडीचे स्वरूप श्री शिवप्रतिष्ठान हिंदुस्थान च्या शिस्तीचे दर्शन घडवीत होते.
अशातच महिलांनी काढलेल्या रांगोळ्या, शिवप्रेमींन वर होणारी पुष्प वृष्टी, दारोदारी होणारे स्वागत यामुळे वातावरण उत्साही बनले होते. शहापूर आंबामाता मंदिर येथून दौडीस प्रारंभ करण्यात आला.
कमिशनर लोकेश कुमार यांच्या हस्ते आरती करून ध्वज चढवण्यात आला प्रेरणा मंत्र सांगून दौडीस सुरवात करण्यात आली या वेळी नेताजी जाधव, रवी साळुंखे उपस्थित होते.शहापूर ,खासबाग, आनंदवाडी आदी भागात जाऊन ही दौड बसवेश्वर चौक गोवावेस येथे पोहोचली कमिशनर लोकेश कुमार, डी सि पी यशोदा वंटगुडी यांच्या हस्ते आरती करून ध्वज उतरवण्यात आला.
ऊद्या ची दौड : श्री सोमनाथ मंदिर ताशीलदार गल्ली ते शनिमंदिर.
