मागील वेळी आलेल्या पूर परिस्थितीत ग्रामीण भागातील रस्त्यांची वाताहत झाली होती. मार्कंडेय नदी ते आंबेवाडी रस्त्याची दयनीय अवस्था झाली होती. या रस्त्यावरून प्रवास करताना अनेकांना तारेवरची कसरत करावी लागत होती. अशा परिस्थितीत हा रस्ता करण्यासाठी कोणीच पुढाकार घेत नव्हते. दरम्यान आता या रस्त्यासाठी खडी व मुरूम टाकून डागडुजी सुरू आहे. काम सुरू झाल्याने नागरिकांतून समाधान व्यक्त करण्यात येत आहे.
मार्कंडेय नदी ते आंबेडकर क्रॉस या रस्त्याची दुर्दशा झाली होती. रस्त्याच्या दोन्ही बाजूने पूर्ण उघडून रस्ता वाहून गेला होता. काहीच रस्ता शिल्लक असल्याने यावरून चार चाकी वाहने जाणे देखील कठीण झाले होते. त्यामुळे तातडीने हा रस्ता करावा अशी मागणी मागील दीड ते दोन महिन्यापासून करण्यात येत होती. मात्र याकडे दुर्लक्ष झाल्याचे दिसून आले.
तब्बल दीड महिन्या नंतर या रस्त्याच्या कामाला सुरुवात करण्यात आली आहे. मुरूम व इतर साहित्य टाकून खड्डे बुजविण्यात येत आहेत. तर बाजूने पडलेल्या भगदाडातून मध्येही करून टाकण्यात येत आहे. रस्ता रुंद करून नागरिकांची सोय करण्यात येत असली तरी भक्कम रस्ता करण्यासाठी प्रशासनाने पावले उचलावी अशी मागणी होत आहे. हा रस्ता खराब होऊन शेतीत पाणी घुसल्याने पीक खराब झाली होती एक शेतकऱ्यांने देखील आत्महत्त्या केली होती.
सध्या रस्त्याचे काम सुरू करण्यात आल्याने समाधान व्यक्त करण्यात येत असली तरी हा रस्ता तातडीने पूर्ण करावा अशी मागणी होत आहे. मार्कंडेय नदी ते आंबेवाडी रस्त्याची झालेली दुरवस्था पाहता आणि पुराचे पाणी आणि झालेले पिकाचे नुकसान यामुळे या परिसरातील नागरिक खचले होते. आता रस्त्याच्या कामाला सुरुवात झाल्याने पुन्हा वाहतूक सुरळीत होईल अशी आशा लागून राहिले आहे.
